Уайт: "У –  ўз вазн тоифасида UFC тарихидаги энг катта юлдуз"

 UFC бош директори Дана Уайт промоушеннинг ўта енгил вазн(61,2 кг) тоифасида чемпион Шон O'Мэлли ва Марлон Вера ўртасидаги жанг хақида гапирди.

Маълумот учун, америкалик жангчи АҚШ нинг Маями шаҳрида бўлиб ўтган "UFC 299" турнирининг асосий тўқнашувида ҳакамларнинг якдил қарори билан эквадорлик спортчини мағлуб этди.

"Бу ўта енгил вазн тоифасидаги энергия ва ҳаёжонга тўла бўлган энг катта жангнинг гувоҳи бўлдик. Ўйлашимча, O'Мэлли ўта енгил вазн тоифаси тарихидаги энг катта юлдуздир. Буни ҳозир бемалол айта оламан”, – деди мутахассис матбуот анжуманида.

Эслатиб ўтамиз, O'Мэлли(15-1-1 N/C) ва Вера(23-9-1) аввалроқ октагонда тўқнаш келишган. Уларнинг биринчи жанги 2020 йил август ойида бўлиб ўтган ва биринчи раундда техник нокаут эвазига эквадорлик жангчи ғалаба қозонганди.